۸صبح، کندهار: سیمهیېزې سرچینې وايي، په کندهار کې د طالبانو د امر بالمعروف او نهی عن المنکر محتسبانو ۱۸ ښوونکي د ږیرې خریلو، د وېښتانو اوږدولو او د دې ډلې د لارښوونو خلاف د جامو اغوستلو په تور نیولي دي.
سرچینو چهارشنبه د تلې پر ۱۵مه له ۸صبح ورځپاڼې سره په خبرو کې وویل چې دا ښوونکي څلور ورځې وړاندې په عینو مېنه کې له سید جمالالدین عالي لېسې او د کندهار ښار له احمدشاهي لېسې نیول شوي دي.
د سرچینو په وینا، له نیول شویو ښوونکو ځينې په ضمانت خوشې، خو یو شمېر نور یې لا هم د امر بالمعروف او نهی عن المنکر ریاست په کانټینرونو کې ساتل کېږي.
سرچینې وايي، په دې وروستیو کې د طالبانو د امر بالمعروف او نهی عن المنکر محتسبانو په ښوونځیو کې د ښوونکو څارنه زیاته کړې ده.
د سرچینو په وینا، د طالبانو د امر بالمعروف او نهی عن المنکر محتسبان غواړي په ټول کندهار کې هغه ښوونکي ونیسي چې له غوښتنو سره سم یې کړنې نه کوي.
سرچینې زیاتوي، هغه ښوونکي چې له دوه ځلي خبردارې وروسته بیا هم د امر بالمعروف او نهی عن المنکر اصولو ته پاملرنه نه کوي، له خپلو دندو به ګوښه شي.
ویل کېږي چې په کندهار کې د امر بالمعروف او نهی عن المنکر محتسبانو د طالبانو له مشرانو لارښوونه ترلاسه کړی چې که دولتي کارکوونکي، له دوه ځلي خبرداری وروسته یې بیا هم لارښوونې ونه مني، له دندو دې ګوښه شي.
