۸صبح، غزني: د غزني سیمهییزې سرچینې خبر ورکوي چې طالبانو په دغه ولایت کې د موسیقۍ اورېدو له کبله څلور زلمیان نیولي دي.
سرچینو شنبه د لړم پر ۳مه ۸صبح ورځپاڼې ته وویل چې طالبانو دا زلمیان تېره ورځ د خواجهعمري ولسوالۍ پر لاره د هغوی په ټيلفون کې د سندرو د شتوالي له کبله نیولي دي.
د سرچینو په وینا، د طالبانو د امربالمعروف او نهی عنالمنکر غړو د غزني اوسېدونکو د ټليفونونو د څارنې بهیر پېل کړی دی.
د نیول شویو ځوانانو د برخلیک په هکله معلومات نشته.
په غزني کې طالب سیمهییزو مسوولانو هم تر اوسه په دې تړاو څه نه دي ویلي.
طالبانو د امربالمعروف او نهی عنالمنکر په قانون کې موسیقي غږول منع کړې ده.
له دې مخکې هم طالبانو د هېواد په بېلابېلو سیمو کې یو شمېر زلمیان د موسیقۍ د اورېدو له کبله بندیان کړي وو.
څه موده مخکې دغې ډلې په کاپيسا کې څلور زلمیان د ورته پېښې له کبله نیولي او سرونه پرې خرییلي وو.
