۸صبح، کابل: سياېناېن راپور ورکړی چې طالبانو د افغانستان په ختیځ کې له مرګونې زلزلې وروسته چې له کبله یې سلګونو کسانو ته مرګژوبله اوښتې، له نړیوالې ټولنې غوښتي چې له زلزلهځپلو سره بېړنۍ مرستې وکړي.
سياېناېن سهشنبه د وږي پر ۱۱مه په یوه راپور کې لیکلي چې شدیدو بارانونو، ځمکښوېدنو او زیانمن شویو لارو لرې پرتو او غرنیزو سیمو ته د مرستندویه ډلو تګ سخت کړی دی.
د طالبانو د ویاند ذبیحالله مجاهد په خبره، په دې طبیعي پېښه کې ۱۴۱۱ کسان مړه شوي، ۳۱۲۴ ټپيان دي او څه باندې ۵۴۰۰ کورونه ویجاړ شوي دي.
د راپور له مخې، په کونړ کې درې کلي بشپړ ویجاړ شوي دي.
د دې زلزلې ټکانونه د کونړ سربېره په ننګرهار، لغمان، پنجشیر او ان کابل کې هم احساس شوي دي.
