۸صبح، نورستان: سیمهییزې سرچینې وايي چې طالبانو د نورستان په مرکز پارون ښار کې ټول ښوونیز مرکزونه تړلې دي.
سرچینو پنجشنبه د تلې پر ۳۰مه ۸صبح ورځپاڼې ته وویل چې په دغه ولایت کې د طالبانو د امر باالمعروف او نهی عن المنکر ریاست خصوصي ښوونیزو مرکزونو ته ویلي چې د خپلو ښوونیزو مرکزونو دروازې وتړي.
هغه مکتوب چې ۸صبح ورځپاڼې ته استول شوی، په نورستان کې د امر باالمعروف او نهی عن المنکر ریاست د ښوونیزو مرکزونو له مسوولانو غوښتي چې د جواز له فعالیت سره دغه ریاست ته ورشي.
سرچینې وايي چې له دې مخکې هم په نورستان کې د امر باالمعروف او نهی عن المنکر ریاست ښوونیزو مرکزونو ته خبرداری ورکړی و چې د انګلیسي ژبې د زدهکړې له پراخولو ډډه وکړي.
دا په داسې حال کې ده چې طالبانو له تېرو پنځو کالو راهیسې پر ښوونیزو مرکزونو پراخ محدودیتونه لګولي او له شپږم ټولګي پورته ښوونځيو کې یې د نجونو پر زدهکړو بندیز لګولی دی.
