۸صبح، کابل: د اسلامي همکاریو سازمان (OIC) په دوحه کې د افغانستان د همغږۍ له کاري ډلې سره په ناسته کې له افغانانو، له دغه هېواد سره د بشردوستانه او اقتصادي مرستو او د نجونو له زدهکړو پر دوام ټينګار کړی دی.
نوموړي سازمان چهارشنبه د تلې پر ۲۹مه خبر ورکړی چې د نجونو زدهکړې، له ترهګرۍ سره مبارزه، تغذیه او خوراکي امنیت یې په افغانستان کې لومړیتوبونه دي.
د اسلامي همکاریو سازمان له نړیوالو شریکانو په ځانګړې توګه له ملګرو ملتونو، نړیوال بانک او اروپايي ټولنې سره د همکارۍ پر دوام هم ټينګار کړی دی.
دغه بنسټ ویلي چې له دغو سازمانونو سره همکاري افغانستان ته د همغږو او دوامدارو بشري او اقتصادي مرستو د برابرولو لپاره ارزښت لري.
پر افغانستان د طالبانو له واکمنېدو وروسته له شپږم ټولګي پورته ښوونځيو کې د نجونو پر زدهکړو بندیز لګېدلی دی.
