۸صبح، نیمروز: په نيمروز کې د طالبانو والي محمدقاسم خالد د دغې ډلې سيمهييزو مسوولانو ته ويلي چې د امربالمعروف او نهی عنالمنکر قانون په پلي کېدو کې دې همغږي او هڅوونکي اوسي.
خالد سهشنبه د لړم پر ۲۲مه، په نيمروز کې د دغې ډلې له سيمهييزو مسوولانو سره په غونډه کې ټينګار کړی چې دوى بايد د امربالمعروف او نهی عنالمنکر د توشېح شوي قانون په پلي کېدو کې جدي اوسي.
هغه همداراز د طالب جنګیالیو لپاره د اصلاحي او عقیدتي پروګرامونو د جوړېدو غوښتنه کړې ده.
د طالبانو د امربالمعروف او نهی عنالمنکر قانون له توشېح وروسته د دغې ډلې چارواکو خپلو سیمهییزو مسوولانو ته سپارښتنه کړې چې پر خلکو د دغه قانون د پلي کېدو په موخه د همغږۍ غونډې جوړې کړي.
څو ورځې مخکې په کاپیسا کې د طالبانو والي هم د دغې ډلې د سیمهییزو ادارو له مسوولانو سره دا ډول غونډه جوړه کړې وه.
د طالبانو د امربالمعروف او نهی عنالمنکر قانون د ډېری هېوادوالو په ځانګړې توګه د ښځو بنسټیز حقونه په نښه کړي دي.
دا په داسې حال کې ده چې د طالبانو د امربالمعروف او نهی عنالمنکر وزارت سرپرست هرات او فراه ته د خپل سفر په ترڅ کې د دغه قانون قانون د پلي کېدو لپاره د خلکو د همکارۍ غوښتنه کړې وه.
