۸صبح، کابل: د طالبانو تر کنټرول لاندې د مالیې وزارت اعلان کړی چې د یو شمېر وارداتي توکو ګمرکي تعرفې لوړې شوې دي.
دغه وزارت دوشنبه د تلې پر ۶مه، ویلي چې د بطریو ګمرکي تعرفه له ۱۲ سلنې ۱۶ سلنې، د ودانیز رنګ له ۱۶ سلنې ۳۰ سلنې او د چرمي بوټانو له ۵۰ سلنې ۸۰ سلنې ته لوړه شوې ده.
د ګچ ګمرکي تعرفه هم له ۵۰ سلنې ۸۰ سلنې او د روغتیايي تیکې( پمپر) تعرفه له ۲۰ سلنې ۲۵ سلنې ته لوړه شوې ده.
په همدې حال کې، د زړه د سپرېنګ ګمرکي تعرفه له اته سلنې ۳.۵ سلنې ته راټیټه شوې ده.
د طالبانو د مالیې وزارت زیاته کړې چې دغه اقدام د کورنیو تولیداتو د ملاتړ او د سوداګرۍ د ودې په موخه شوی دی.
