۸صبح، دایکندي: د دايکندي سيمهييزې سرچينې وايي چې په دغه ولايت کې د طالبانو د امربالمعروف او نهی عنالمنکر رياست مامورینو سيمهييزو رسنيو او خبريالانو ته سپارښتنه کړې چې د دغې ډلې په ګټه «تبلیغ» وکړي.
سرچينو پنجشنبه د مرغومې پر ۶مه، ۸صبح ورځپاڼې ته وويل چې طالبانو د دغه ولايت سيمهييزو رسنيو ته سپارښتنه کړې څو له دې وروسته دې خپل نشراتي وخت د دغې ډلې اړوند خپرونو ته ځانګړی کړي.
سرچينې زياته کړې چې طالبانو خبريالانو ته هم خبرداری ورکړی څو د ساهلرونکو موجوداتو د انځورونو او ویډیوګانو له اخیستلو ډډه وکړي.
ورته مهال، د طالبانو د امربالمعروف او نهی عنالمنکر غړو په دایکندي کې د دغه ولایت د رسنیو کارکوونکو ته خبرداری ورکړی چې له دې وروسته دۍ ږیره پرېږدي.
د يادونې ده چې په دايکندي کې د طالبانو سيمهييزو مسوولانو له څه مودې راهيسې د پروګرامونو، اداري او نورو خبري غونډو پر انځور او ویډیو اخیستلو بندیز لګولی دی.
دا په داسې حال کې ده چې تېره ورځ د افغانستان د خبریالانو مرکز په خپل کلني راپور کې د طالبانو له خوا د رسنیو او خبریالانو له حقونو څخه د سرغړونې د ۱۸۱ پېښو د ثبتېدو خبر ورکړی دی.
له دې مخګې په کندهار کې د طالبانو والي ملا شیرین اخوند هم د دغه ولایت له یو شمېر شاعرانو او لیکوالانو سره په لیدنه کې له هغوی غوښتي وو چې خلکو ته د طالبانو په هکله «مثبت نظر» وړاندې کړي.
