۸صبح، کابل: د طالبانو د رئیسالوزرا دفتر رئیس ملا عبدالواسع خادم وايي چې دا ډله د تاریخي او فرهنګي اثارو ساتنې ته ژمنه ده.
د طالبانو تر واک لاندې باختر اژانس یکشنبه د وږي پر ۲۵مه راپور ورکړی چې خادم دا څرګندونې د هرات د پنځم څلي د بیارغونې چارو څخه د لیدنې پرمهال کړي دي.
هغه زیاته کړې: «د فرهنګي میراثونو ساتنه زمونږ د ټولو دنده ده او اسلامي امارت [طالباني رژیم] ژمن دی چې دا ارزښتمن اثار د راتلونکو نسلونو لپاره وساتي.»
د يادونې ده چې د هرات پنځم څلی د اغا خان بنسټ په مالي مرسته رغول کېږي.
پنځم څلی د هرات یو تاریخي ارزښت بلل کېږي چې د ځينو برخو د ويجاړېدو له کبله د «کوږ څلي» په نوم هم يادېږي.
دا تاریخي اثار په هرات کې یو پخوانی مذهبي څلی دی او د ګوهرشاد بیګم ټولګې پورې تړاو لري.
د یادونې ده چې څه موده مخکې د طالبانو د اطلاعاتو او کلتور وزارت د کلتور او هنر مرستیال، عتیقالله عزیزي غور ته د خپل سفر پرمهال ویلي و چې د ملګرو ملتونو ښوونیز، علمي او کلتوري سازمان (یونسکو) د جام څلي په هکله خپلو مسوولیتونو ته پام نه دی کړی.
