۸صبح، کابل: طالبانو خبر ورکړی چې د هرات د غوریانو ولسوالۍ د نمکسار سیمې د مالګې د اول بلاک تړون یې د څه باندې ۳۱۵ میلیونو افغانیو په پانګونې له یوه کورني شرکت سره لاسلیک کړی دی.
باختر خبري اژانس سهشنبه د چنګاښ پر ۱۶مه راپور ورکړی چې دا تړون د طالبانو د کانونو او پټرولیم وزیر ملا هدایتالله بدري له خوا د کان کیندنې او پروسس له یوه کورني شرکت سره لاسلیک شوی دی.
د راپور له مخې، د مالګې کان سیمه چې څه باندې یو میلیون کیلومتره مربع مساحت لري، د استخراج تړون یې د ۱۵ کالو لپاره لاسلیک شوی دی.
طالبانو له دې مخکې خبر ورکړی و چې د تخار د چاهاب ولسوالۍ د سرو زرو کان د استخراج تړون یې د ۸۹ میلیونو او ۶۴ زرو امریکايي ډالرو په ارزښت له یوه کورني شرکت سره لاسلیک کړی دی.
