۸صبح، کابل: د طالبانو ویاند ذبیحالله مجاهد وايي چې د ټاپي پروژې عملي چارې د افغانستان خاورې دننه پېل شوي او دوام لري.
مجاهد دوشنبه د لیندۍ پر ۱۲مه په یوې خپره کړې ویډیو کې د ټاپي پروژې د روانو چارو خبر ورکړی دی.
د طالبانو رئیسالورزا ملا حسن اخوند د روان کال د وږي میاشتې پر ۲۱مه د ټاپي پروژې د عملي چارو د پرانيستلو په موخه ترکمنستان ته سفر کړی و.
دا په داسې حال کې ده چې له هغې یوه ورځ مخکې په هرات کې د یوې لویې غونډې په ترڅ کې د دې پروژې عملي چارې پرانیستل شوې وې.
د يادونې ده چې د دې پروژې لومړۍ برخه د ترکمنستان په خاوره کې بشپړه شوې ده.
د ټاپي پروژې ټول اوږدوالی یو زرو ۸۱۴ کیلومټره دی.
ټاپي په سیمه کې یوه لویه اقتصادي پروژه بلل کېږي چې افغانستان به د ګازو ترڅنګ هرکال د ګازو د د ټرانزیټ حق شاوخوا ۴۰۰ میلیونه ډالره ترلاسه کړي.
