۸صبح، کابل: د طالبانو سترې محکمې ویلي چې په ننګرهار ولایت کې یې درې کسان په دُرو وهلي دي.
دغې محکمې یکشنبه د کب پر ۱۲مه په یوه خبرپاڼه کې اعلان کړی چې دا کسان د « نامشروع اړیکو» په تور په دُرو وهل شوي دي.
د طالبانو د سترې محکمې په وینا، دغه درې واړه کسان له یو تر دوو کلونو پورې پر بند او د ۳۹ دُرو پر وهلو محکوم شوي دي.
د نړیوالو سازمانونو له غندلو سره سره، طالبان د هېوادوالو صحرایي محاکمو ته دوام ورکوي.
