د پاکستان د اطلاعاتو وزیر عطاالله تارړ د خیبر پښتونخوا په حکومت تور لګولی چې ټيټيپي ته اسانتیاوې برابروي او په وینا يې دا کار د هغوی د سیاست یوه برخه ده.
تارړ جمعه د سپټمبر پر ۲۵مه، پر خپله ایکس پاڼه ویلي چې د خیبر پښتونخوا حکومت تحریک طالبان پاکستان ته «بشپړې اسانتیاوې» برابروي.
د پاکستان د اطلاعاتو وزیر زیاته کړې چې د خیبر پښتونخوا چارواکي ان له پرلتونو هم تښتېدلي دي. هغه ویلي: «که زړور یاست، مخې ته راشئ.»
تارړ د خیبر پښتونخوا پر اعلی وزیر شهباز یوسف اپریدي هم نیوکه کړې او ویلي یې دي چې هغه تر یوه اعلی وزیر ډېر د تحریک طالبان پاکستان د یوه قوماندان په څېر ښکاري.
تارړ د خیبر پښتونخوا حکومت له خوا تحریک طالبان پاکستان ته د اسانتیاوو د برابرولو ادعا د خپلو څرګندونو اصلي لامل بللی دی.
