۸صبح، کابل: د اسیا پراختیايي بانک (ADB) رییس ماساتو کاندا وايي، په افغانستان کې د اړتیاوو له زیاتېدو وروسته دا بانک له افغانانو خپل ملاتړ پراخوي.
کاندا جمعه د تلې پر ۳مه په اېکس پاڼه کې لیکلي چې د دغه ملاتړ پاملرنه به د بنسټیزو خدمتونو پر دوام، د ټولنو د مقاومت پر پیاوړتیا او خلکو ته د کاري بوختیاوو پر پراختیا وي.
د هغه په خبره، د اسیا پراختیايي بانک له ۲۰۲۲ کال راهیسې په افغانستان کې د خپلو باوري شریکانو له لارې د خوړو خوندیتوب، روغتیا او زدهکړو په برخو کې له خلکو ملاتړ کړی دی.
کاندا ټینګار کړی چې د دغه بانک مرستې به د جدي څارنې او حساب کتاب له لارې دوام ولري.
د یاد بانک رییس ویلي چې د دغه ملاتړ په چوکاټ کې به د ښځینه کارکوونکو له لوري ښځو ته اړینې اسانتیاوی وړاندې کېږي.
