۸صبح، کابل: د طالبانو له خوا د ژونديو موجوداتو د تصویرونو پر خپراوي د بنديز له اعلان سره جوخت، د خوست سیمهییزې سرچينې وايي چې په دغه ولايت کې د «غرغښت» راډيو او ټلوېزیون نشرات بند شوي دي.
سرچینو شنبه د لړم پر ۱۲مه، ۸صبح ورځپاڼې ته ویلي چې د دغې رسنۍ نشرات له تېرو دوو ورځو راهیسې تړل بند دي.
د سرچينو په وینا، طالبانو د خوست ولایت د تصویري رسنيو مسوولانو ته سپارښتنه کړې چې د ژوندیو موجوداتو د تصویرونو له خپرولو ډډه وکړي.
د سرچينو د معلوماتو له مخې، ښايي راتلونکي څو ورځې په دغه ولايت کې د نورو ټلوېزيونونو فعاليتونه هم بند شي.
له دې مخکې په کندهار، تخار او بادغیس ولایتونو کې د طالبانو له خوا د تصویري رسنیو نشرات بند شوي وو.
دا په داسې حال کې ده چې تېره اوونۍ طالبانو په کندهار کې د يوې غونډې پرمهال د خصوصي ټلوېزيونونو مسوولينو ته دوه مياشتې وخت ورکړی و چې خپل نشرات غږیز ته واړوي.
