۸صبح، بدخشان: د بدخشان د طالبانو پوهنې ریاست مسوولان وايي چې په دغه ولایت کې د نجونو یو ښوونځي د جوړېدو کار له پنځو کلونو وروسته بشپړ او ګټېاخیستنې ته سپارل شوی دی.
د بدخشان د طالبانو پوهنې رئیس نصرتالله فيضاني سهشنبه د تلې پر ۳مه ویلي چې د دغه ولایت په مایمي ولسوالۍ کې د «جامرچ» د نجونو ښوونځي ودانۍ د ۳۰۰ امریکايي ډالرو په ارزښت د «پتریب» موسسې او اغاخان بنسټ له خوا جوړه شوې ده.
د فيضاني په وينا، د دغه ښوونځي د جوړېدو لپاره د بوديجې ډېره برخه د «پتریب» موسسې له خوا ورکړل شوې وه، خو پر هېواد د طالبانو واک ته تر رسېدو د یاد ښوونځي نورې چارې د اغاخان بنسټ له خوا د شاوخوا ٦٦ زره امريکايي په ارزښت بشپړې شوې دي.
دا ښوونځی ۱۳ ټولګي لري او په څلور جریبه ځمکه کې جوړ شوی دی.
د معلوماتو له مخې، دمګړۍ په دغه ښوونځي کې ۵۶۰ نجونې پر زده کړو بوختې دي.
د یادونې ده چې په ښوونځیو کې د ودانیو نشتوالی د زدهکوونکو لپاره یوه جدي ننګونه ده.
