۸صبح، کابل: په افغانستان کې د اروپايي ټولنې استازولۍ پر کونړ، پکتیا او پکتیکا د پاکستان هوايي بریدونو ته په غبرګون کې د ملکي وګړو د خوندیتوب غوښتنه کړې ده.
نوموړي بنسټ چهارشنبه د تلې پر لومړۍ په اېکس پاڼه کې ویلي چې نړیوالو بشردوستانه قوانینو ته دې په هر وخت کې پاملرنه وشي.
پاکستان وړمه ورځ د پکتیکا پر برمل ولسوالۍ او د نورستان پر نورګل ولسوالۍ هوايي بریدونه وکړل.
په دغو بریدونو کې درې ملکیان وژل شوي او څلور نور ټپيان دي.
د طالبانو ویاند دا بریدونه «جنایت او تېری» بللی او ویې ویل چې «مناسب ځواب» به ورکړي.
