۸صبح، کابل: په افغانستان کې د اروپايي ټولنې استازولۍ د سواد زدهکړو د نړیوالې ورځې په مناسبت، افغانستان ته ۴.۷ میلیونه یورو ځانګړې دي.
نوموړي استازولۍ سهشنبه د وږي پر ۱۷مه په اېکس پاڼه کې لیکلي دا مرسته د افغان نجونو او هلکانو له زدهکړو او سواد زدهکړو د ملاتړ لپاره ځانګړې شوې ده.
د اروپايي ټولنې استازولۍ ویلي، مرسته شوې پیسې چې د اروپايي ټولنې په ملاتړ او د ملګرو ملتونو د علمي، کلتوري او ښوونیز سازمان (یونسکو) په همکارۍ برابرې شوې، په افغانستان کې به اوو زرو او ۵۰۰ کسانو ته سواد زدهکړې او معیشتي مهارتونه وړاندې کړي.
دا په داسې حال کې ده چې څه موده مخکې هم اروپايي ټولنې په افغانستان کې له کرنې، معیشت او کاروبارونو د ملاتړ لپاره ۱۰ میلیونه یورو ځانګړې کړې وې.
اخوا بیا د ملګرو ملتونو د بشردوستانه مرستو د همغږۍ دفتر (اوچا) ویلي چې په روان میلادي کال کې په افغانستان کې ۲۱.۹ میلیونه کسان بشردوستانه مرستو ته اړتیا لري.
