اروپايي ټولنې له امریکا غوښتي چې د فلسطیني پلاوي غړو ته د ملګرو ملتونو د عمومې غونډی له پیل وړاندی، د ویزو د نه صادرولو پر پرېکړې له سره کتنه وکړی.
الجزیرې شنبه د سپټمبر پر ۱۹مه راپور ورکړی چې اروپايي ټولنې د ملګرو ملتونو د کوربه هېواد په توګه د امریکا ژمنو او له دغه سازمان سره شویو هوکړو ته په اشارې، د دویم پرلهپسې کال لپاره د دغو بندیزونو پر غځېدو خواشیني څرګنده کړې ده.
د امریکا حکومت تېر کال هم ورته بندیز لګولي و چې له امله یې ځينې لوړپوړې فلسطیني چارواکې ونه توانیدل د ملګرو ملتونو په عمومي اسامبله کې د ګډون لپاره نیویارک ته لاړ شي.
ټاکل شوې د ملګرو ملتونو عمومي غونډه په نیویارک کې جوړه شي او په کې د فلسطیني پلاوي د ګډون موضوع یو ځل بیا د غونډې له جوړېدو وړاندې پام وړ مساله ګرځېدلې ده.
