۸صبح، کابل: د طالبانو د صنعت او سوداګرۍ وزارت ویلي چې قزاقستان ته په لومړي ځل د کندهار ۲۳ ټنه انار صادر شوي دي.
نوموړي وزارت دوشنبه د لړم پر ۷مه په خواله شبکې اېکس کې لیکلي چې دا جوپه د تورغونډۍ بندر له لارې د قزاقستان پلازمېنې الماتا ته رسېدلې ده.
دا میوه د افغان سوداګرو له خوا صادر شوې ده.
له دې وړاندې د صنعت او سوداګرۍ وزارت چارسمبالی نورالدین عزیزي له یو پلاوي سره قزاقستان ته تللی و او هلته یې د دواړو هېوادونو ترمنځ څو سوداګریزې هوکړې لاسلیک کړې وې.
د یادونې ده چې د کابل او الماتا ترمنځ د اقتصادي اړیکو له پراخېدو وروسته، قزاقستان د دغه هېواد د ترهګرو ډلو له نوملړه د طالبانو نوم لرې کړ.
