د بیان آزادۍ بنسټ د طلوع نیوز خبریاله انیسه شهید د بیان آزادۍ د غوره څېرې په توګه معرفي کړې ده. انیسې شهید د هېواد په ۱۷۰۰ خبریالانو کې دا مقام خپل کړی دی.
د بیان آزادۍ بنسټ همداراز د اطلاعات روز ورځپاڼې د خبریال عصمت الله سروش، د طلوع نیوز د خبریال کریم امیني، د پژواک خبري آژانس د خبریال عبدالرقیب سایل او د امریکا غږ خبریال رحیم ګل څاروان د کارونو ستاینه کړې ده.
د هغو خبریالانو کړنې چې د بیان آزادۍ د غوره څېرې د نوم خپلولو لپاره نوماند شوي وو، د بیان آزادۍ بنسټ له خوا ارزول شوي دي.
د افغانستان د بیان آزادۍ بنسټ هم د بیان آزادۍ د غوره څېرو د معرفي کولو په مراسمو کې خپل موجودیت اعلان کړ. دا بنسټ د یو شمېر خبریالانو او رسنیو د مسوولینو له خوا جوړ شوی دی.
د بیان آزادۍ کور یا بنسټ د جوړېدو موخه، د خبریالانو او رسنیو د کارکوونکو لپاره د هراړخیز او پراخ تشکیل د جوړولو لپاره هڅې بلل شوې دي.
د بیان آزادۍ بنسټ په لومړنۍ اعلامیه کې د خبریالانو او ملکي خلکو د هدفي وژنو د درولو او د خبریالانو د وژنو او د هغوی په وړاندې د تاوتریخوالي دوسیو د زر ترزره څېړلو غوښتنې مطرح شوې دي.
د خبریالانو او بیان آزادۍ د خوندیتوب تضمین، د خبرو جزیاتو ته د لاسرسي له لارې د سولې په بهیر کې روڼتیا ته پاملرنه، د سولې په بهیر کې د خبریالانو او رسنیو د استازو د ګډون تضمین او د یوه بنسټیز حق په توګه د بیان آزادۍ خوندیتوب د بیان آزادۍ کور نورې غوښتنې دي.
تر ټولو ډېر کتل شوي مطالب
-
خلیلزاد: امریکا دې د افغانستان د پاشل کېدو د مخینوي په موخه له طالبانو سره تعامل وکړي
-
د امریکا د بهرنیو چارو وزیر سمرقند ته تللی
-
داعش خراسان؛ په تېرو ۹ کلونو کې د رهبرۍ جوړښت او لړۍ
-
په بادغیس کې نښته؛ سرچینې د دوو طالبانو د وژل کېدو خبر ورکوي
-
په هالنډ کې د ازبکي ژبې د ملي ورځې د نمانځنې مراسم ترسره شول
پادکست
د امتياز څښتن: سنجر سهيل
اجرائیوي رئیس: پروېز کاوه
د کتونکې ډلې مشر: بهیر
پته: کابل، افغانستان