د فرانسې لومړي وزیر سباسټین لکورنو د روانې اوونۍ په پای کې د کېدونکو نویو لاریونونو لپاره د پولیسو د پراخ حضور خبر ورکړی دی.
د فرانسې خبري اژانس د چهارشنبې پر سهار، د اکټوبر پر ۲۱مه، راپور ورکړی چې لکورنو د پارلمان د قهرجنو غړو پر وړاندې منلې چې امنیتي غبرګون کافي نه و. هغه د لاریونونو د نوې څپې له پیل مخکې د لا پیاوړي امنیتي چلند ژمنه کړې ده.
د راپور له مخې، لکورنو افراطي کیڼاړخي ډلې تورنې کړې چې د «بلواګرۍ پلان» په جوړولو سره یې د پراخو لاریونونو په څنډو کې د ګډوډیو او بلواوو د رامنځته کېدو زمینه برابره کړې ده.
فرانسوي چارواکو د دوشنبې په ورځ په پاریس او ځینو نورو ښارونو کې پر تګ راتګ د جزوي محدودیتونو د لګولو خبر ورکړی و.
دا په داسې حال کې ده چې د فرانسې ولسمشر، امانوېل مکرون اوس مهال د خلیج سیمې هېوادونو ته پر سفر بوخت دی.
