۸صبح، کابل: «له پولیو پاک افغانستان» بنسټ خبر ورکړی چې نن په ټول افغانستان کې د پولیو واکسین کمپاین پیل شوی دی.
نوموړي بنسټ دوشنبه د وږي پر ۳۰مه په اېکس پاڼه کې له کورنیو غوښتي چې خپل ماشومان واکسین کړي څو له پولیو ویروسه مخنیوی وشي.
یاد بنسټ ټينګار کړی چې د ماشومانو واکسینول له پولیو پاک افغانستان سره مرسته کولی شي.
دا په داسې حال کې ده چې افغانستان د پولیو ویروس د له منځه وړلو هڅه کوي او د ماشومانو واکسینول له دغه ویروسه د مخنیوي غوره لار ګڼل کېږي.
«له پولیو پاک افغانستان» بنسټ له هېوادوالو غوښتي چې د ماشومانو په واکسینولو له دغې ناروغۍ په مخنیوي کې همکاري وکړي.
