۸صبح، هرات: په هرات کې ځايي سرچینې وايي چې طالبان یو ځل بیا د دغه ولایت د صرافیو پر مارکېټونو ورغلي او لږ تر لږه ۴۰ صرافان یې وهلي ډبولي او نیولي دي.
سرچینو ۸صبح ورځپاڼې ته منلې چې طالبان نن چهارشنبه د تلې پر ۴مه یو ځل بیا د هرات ښار د صرافیو مارکېټونو ته ورغلي وو.
دا صرافان د فعالیت جواز نه لرلو لامله وهل او نیول شوي دي.
طالبانو ټينګار کړی چې صرافان دې د فعالیت جواز لپاره ۶۵ لکه افغانۍ د تضمین په توګه ورکړي؛ خو صرافان وايي چې وس یې نه لري.
د یادونې ده چې په هرات کې د تېرو درېیو ورځو په لړ کې څه باندې ۱۰۰ صرافان نیول شوي دي.
