۸صبح، خوست: په خوست کې ځایي سرچینې وایی چې طالبانو د یوې مخابراتي شبکې دفتر د دې ډلې جنګیالیو ته د لومړیتوب نه ورکولو له کبله تړلی دی.
سرچينو سهشنبه د تلې پر ۲۴مه ویلي چې د دغه ولايت په مرکز کې د روشن مخابراتي شبکې دفتر له څو ورځو راهيسې تړل شوى و.
د سرچينو په وینا، یاد دفتر طالب جنګيالو ته د لومړيتوب نه ورکولو له امله تړل شوى و.
له څو ورځو وروسته دغه دفتر په دې شرط پرانستل شو چې د سیم کارټونو د وېش پرمهال به وسلهوالو طالبانو ته لومړیتوب ورکوي.
د سرچينې د معلوماتو لهمخې، د طالبانو جنګیالي د وسلو په زور دفترونو ته ننوځي او نوبت په پام کې نه نیسي.
له دې مخکې هم په دغه ولایت کې د روشن مخابراتي شبکې د کارکوونکو او طالبانو ترمنځ نښتې شوې وې.
