طالبانو د تخار په یوه ښوونځي کې د واده مراسم ترسره کړل
۸صبح، تخار: تخار کې سرچینې وایي، چې طالبانو د خپل جنګیالي د واده مراسم د تخار د مرکز تالقان ښار په یوه ښوونځي کې ترسره کړي دي.
دا مراسم نن (جمعه د لیندۍ ۱۱) د تالقان ښار د څلورمې ناحیې اړوند «سیدحسین شهید» ښوونځي کې ترسره شوی دی.
د واده په دغو مراسمو کې ګډونوال، چې ټول نارینه وو د دغه ښوونځي په ودانۍ کې یې ډوډۍ خوړلې ده.
د سرچینې له قوله د واده په دغو مراسمو کې ښځو حضور نه درلود.
طالبانو چا ته د ویډیو او انځور اخیستو اجازه نه ده ورکړې.
د ښوونځي په ودانۍ کې طالبانو له خوا د واده مراسمو رامنځته کول مخینه نه لري.
