۸صبح، کابل: د کډوالۍ نړیوال سازمان (IOM) ویلي چې د مرستندویه بنسټونو په ملاتړ د ننګرهار په سره رود ولسوالۍ کې د یوه ښوونځي د رغولو چارې روانې دي.
نوموړي سازمان چهارشنبه د چنګاښ پر ۱۷مه راپور ورکړی چې دا ښوونځی به له رغېدو وروسته په دوو ټایمونو کې یو زرو او ۲۹۴ زدهکوونکو ته د زدهکړو اسانتیا برابره کړي.
د راپور له مخې، سربېره پر دې چې دغې پروژې د ښوونیزو بنسټونو پراختیا رامنځته کړې، د سیمې ۲۷ اوسېدونکو ته یې د کار زمینه هم برابره کړې ده.
ویل کېږي چې دا پروژه زدهکړو ته د ماشومانو د لاسرسي د ښهوالي او د ننګرهار د سرهرود ولسوالۍ د خلکو د ملاتړ په موخه پلې کېږي.
دا په داسې حال کې ده چې پر افغانستان د طالبانو له بیاواکمنېدو راوروسته له شپږم ټولګي پورته ښوونځيو کې د نجونو پر زدهکړو بندیز لګېدلی دی.
