۸صبح، کابل: د ملګرو ملتونو امنیت شورا نن د افغانستان د سیاسي، بشري، امنیتي او بشري حقونو د وضعیت د ارزونې لپاره غونډه کوي.
دا غونډه چهارشنبه د وږي پر ۲۵مه جوړېږي او ټاکل شوې ده په افغانستان کې د ملګرو ملتونو د مرستندوی دفتر (یوناما) رییسه او د دغه سازمان ځانګړې استازې رباب فاطمه د افغانستان د وضعیت په اړه د امنیت شورا غړو ته خپل درې میاشتنی راپور وړاندې کړي.
د افغانستان د سیاسي، امنیتي او اقتصادي وضعیت ارزونه او دغه راز د بشري حقونو په ځانګړې توګه د ښځو او نجونو د وضعیت څېړل د دې غونډې اصلي موضوعات دي.
طالبانو د ۲۰۲۱ کال په اګسټ کې پر افغانستان له بیا واکمنېدو وروسته، د ښځو پر زدهکړو او کار د بندیز په ګډون پر ښځو ورځ تر بلې سخت محدودیتونه لګولي دي.
