۸برښنا شرکت وايي چې د دې شرکت ۳ کارکوونکي بغلان ولايت کې د برق نيولو له امله مړه شوي دي.
د ياد شرکت يوې سرچينې ويلي چې د برښنا شرکت يو «کرن چلوونکی» او دوه تخنيکي کارکوونکي د بغلان ولايت پلخمري کې د منځني ولتاژ د مزو د ترميم پر مهال مړه شول.
دغه پېښه د چنګاښ په پنځمه د شنبې ورځ وروسته له ماسپښينه رامنځته شوې ده.
سرچينې د تخنيکي ډلې له لورې د برښنا کېبلونو د ترميم پر مهال نه همغږي د دې پېښې لامل ګڼي.
د وارداتي برښنا مزی څو ورځې وړاندې د بغلان ولايت خنجان ولسوالۍ کې پرې شو.
له هغې يوه اونۍ وړاندې د برښنا درې ستنې د پروان په سالنګ کې د ماين په چاودنه کې له منځه ولاړې.
برښنا شرکت څلور ورځې وړاندې اعلان وکړ چې د برښنا ستنو اساسي ترميم په پار به د ۷۲ ساعتونو لپاره د کابل او ۱۰ ولايتونو برښنا پرې وې.