۸صبح، کندهار: په کندهار کې ځايي سرچینې وايي چې په دغه ولایت کې د یوې ترافیکي پېښې په پایله کې دوه کسان مړه او څلور نور ټپيان شوي دي.
سرچینو چهارشنبه د لړم پر ۲۰مه ۸صبح ورځپاڼې ته وویل چې دا پېښه نن له غرمې وروسته د دغه ولایت د تخت پل ولسوالۍ اړوند سیمه کې شوې ده.
د سرچینو په خبره، پېښه د یوه مسافر وړونکي موټر د چپه کېدو په پایله کې شوې ده.
په کندهار کې د طالبانو امنیې قوماندانۍ هم د دې پېښې پخلی کړی او ویلې یې دي چې لامل یې د موټر چلوونکي ګړندی تګ و.
د نوموړې قوماندانۍ په خبره، په دې پېښه کې دوه نارینه مړه او د دوو ښځو په ګډون څلور کسان ټپيان شوي دي.
د سړکونو خرابوالی، ترافیکي قوانینو ته نه پاملرنه د چلوونکو بې احتیاطي او ګړندی تګ په هېواد کې د ډېرو ترافیکي پېښو لاملونه ګڼل کېږي.
