د امریکا ولسمشر ډونالډ ټرمپ ایران ته خبرداری ورکړی چې په هرمز تنګي کې پر بېړیو هر ډول برید به د امریکا له نظامي غبرګون سره مخ شي.
ټرمپ چهارشنبه د جولای پر ۲۲مه ویلي چې که ایران په هرمز تنګي کې پر تېرېدونکو بېړیو د راکېټ، ډرون یا په بلې هرې وسلې برید وکړي، امریکا به پوځي ځواب ورکړي.
نوموړي زیاته کړې چې امریکا به د هر برید په بدل کې په ایران کې یو پل یا بټۍ بمبار کړي.
د امریکا ولسمشر ټينګار کړی چې دا تګلاره به په هرمز تنګي کې د ایران له هر برید وروسته پلې شي.
هرمز تنګی په نړۍ کې د نفتو د لېږد مهمه سمندري لار ګڼل کېږي.
دا خبرداری داسې مهال ورکړل شوی چې په وروستیو اوونیو کې د ایران او امریکا ترمنځ جګړې زور اخیستی دی.
