۸صبح، کابل: د کډوالو په چارو کې د ملګرو ملتونو عالي کمېشنري (UNHCR) وايي چې په بامیان کې ۷۰ ښځې د غالۍ اوبدلو روزنه ترلاسه کوي.
نوموړي بنسټ چهارشنبه د تلې پر ۲۹مه په اېکس پاڼه کې لیکلي چې دا پروګرام د ایټالیا د بهرنیو چارو وزارت په ملاتړ جوړ شوی دی.
د دغه پروګرام موخه د غالۍ اوبدلو روزنه او ښځو ته د عاید ترلاسه کولو د لارې چارې برابرول بلل شوې څو وکړای شي له خپلو کورنیو ملاتړ وکړي.
په دغه پروګرام کې راستنې شوې ښځې هم ګډون کوي څو د غالۍ اوبدلو په زده کولو وکړای شي د عاید څښتنې شي.
دا په داسې حال کې ده چې په افغانستان کې ښځې او نجونې د زدهکړو او کار په ګډون له ګڼو محدودیتونو او ډېری یې کاري بوختیاوو ته د لاسرسي په برخه کې له ننګونو سره مخ دي.
