د امریکا ولسمشر ډونالډ ټرمپ وايي، د ایران هغه وړاندیز یې رد کړی چې د دواړو غاړو ترمنځ د نیویارک په غیرمستقیمو خبرو کې واشنګټن ته وړاندې شوی و.
ټرمپ شنبه د سپټمبر پر ۲۶مه ویلي چې د هرمز تنګي د بېرته پرانیستلو او د ایران د اټومي پروګرام په اړه د هوکړې د ترلاسه کولو په موخه د خبرو د بیا پیل په اړه یې د ایران وړاندیز رد کړی دی.
له بلي خوا بیا یوه امریکايي چارواکي ویلي چې د سیمهیېزو هېوادونو د منځګړیتوب له لاری، د واشنګټن او تهران ترمنځ «مثبتې او رغنده» خبرې روانې دي.
د اکسیوس د راپور له مخې، د امریکا ځانګړي استازي سټیو ویټکاف او د ټرمپ زوم جرد کوشنر په نیویارک کې د ملګرو ملتونو د عمومي غونډې په څنډه کې د ایران د بهرنیو چارو له وزیر عباس عراقچي سره غیرمستقیمې خبرې کړې دي.
قطري چارواکو د دواړو غاړو ترمنځ پیغامونه لېږدولي دي.
دا په داسې حال کې ده چې ترکیه، قطر او ځينې نور سیمهییز منځګړي هڅه کوي د واشنګټن او تهران ترمنځ د ډیپلوماسۍ بهیر بېرته پیل کړي.
