۸صبح، کابل: د ترکیې پولیسو د دغه هېواد په هکاري ولایت کې ۶۳ افغان پناهغوښتونکي او د کډوالو په قاچاق يو تورن کس نیولي دي.
د ترکیې رسنیو يکشنبه د لړم پر ۱۷مه، راپور ورکړی چې دغه کسان ترکیې ته د ناقانونه ننوتلو پر مهال پېژندل شوي او نیول شوي دي.
د راپور له مخې، هغه کس چې د کډوالو د لېږد د تنظیمولو په تور نیول شوی، محکمې ته تر معرفي کېدو وروسته زندان ته لېږل شوی دی.
په راپور کې راغلي چې افغانان به هم د قانوني پړاوونو د بشپړولو لپاره د آغري ولایت ته ولېږدول شي.
د هکاري د پولیسو ادارې ویلي چې دغه کسان د کډوالو د قاچاق پر وړاندې د مبارزې د هڅو په لړ کې او د دغه ولایت د لویې څارنوالۍ په همغږۍ نيول دي.
