په کندهار کې دوه چاودنو ۵ ملکي وګړو ته مرګ ژوبله اړولې

چاودنې نن د کندهار ښار يوولسمې امنيتي حوزې اړوند په عينو مېنه کي شوې دي.
د کندهار امنيه قومندانۍ وياند جمال ناصر بارکزی وايي چې، لومړۍ چاودنه د غورک ولسوالۍ د ولسوال پر کور شوې او دويمه چاودنه د ملکي وګړو پر موټر شوې ده.
بارکزی وايي چې د غورک د ولسوال پر کور چاودنه تلفات نلري او د ملکي وګړو پر موټر د چسپکي ماين په چاودنه کې دوه تنه ملکي وګړي وژل شوي او درې نور ټپيان دي.
په کندهار کې د عينو مېنې ښارګوټی يو له هغه سيمو څخه ده چې د جمعې په ورځ ورته خلک د مېلې لپاره ورځي.
د يادو پېښو مسؤلیت لا تر اوسه پورې کومې ډلې نه دی اخيستی.