۸صبح، ننګرهار: طالبانو خبر ورکړی چې پنځه ماشومان د اوبو په یو حوض کې لوېدلي چې دوو یې ژوند بایللی او درې نور یې ژغورل شوي دي.
د ننګرهار د امنیې قوماندانۍ ویاند سیدطیب حماد چهارشنبه د وږي پر ۲۵مه په خپرې کړې خبرپاڼې کې ویلي چې دا پېښه د سره رود ولسوالۍ اړوند د صنعتي پارکونو په سیمه کې شوې ده.
نوموړي ویلي چې یو ماشوم لومړی اوبو ته لوېدلی او نورو یې د ژغورلو لپاره ځانونه اچولي دي.
حماد زیاته کړې چې په دې پېښه کې یوې شپږ کلنې نجلۍ او یوه ۱۴ کلن هلک ژوند بایللی دی.
هغه ویلي چې ژغورل شوي کسان د درملنې لپاره روغتون ته وړل شوي او روغتیايي وضعیت یې ښه دی.
