۸صبح، غزني: ځايي سرچینې وايي چې په غزني ښار کې د ناچاوده مهماتو په چاودنه کې دوو ماشومانو ژوند له لاسه ورکړی دی.
سرچینو ۸صبح ورځپاڼې ته ویلي چې دا پېښه شنبه د زمري پر ۱۷مه غزني ښار ته نږدې شوې ده.
د سرچینو په خبره، مړه شوي دوه وروڼه و چې یوه یې ۱۲ او بل یې ۱۴ کاله عمر درلود.
دغو دوو ماشومانو دا ناچاوده توکي په یوې خالي ځمکه کې موندلي او د لوبو پر مهال پرې چاودلي دي.
له دې وړاندې د هېواد په ځينو نورو سیمو کې هم ورته پېښې شوې دي.
په افغانستان کې له تېرو څو لسیزو پاتې ناچاوده توکي لا هم ملکیانو په ځانګړې توګه ماشومانو ته ګواښ دی.
