۸صبح، هرات: د ملګرو ملتونو د بشري استوګنې پروګرام (UN-Habitat) اعلان کړی چې د هرات په زندهجان ولسوالۍ کې ۱۰۰ کورنیو د څښاک پاکو اوبو ته لاسرسی موندلی دی.
دغه پروګرام دوشنبه د لړم پر څلورمه، ویلي چې دغو کورنیو د جاپان د نړيوالو همکاريو د ادارې (JICA) په ملاتړ اوس د څښاک پاکو اوبو ته لاسرسی موندلی دی.
د ملګرو ملتونو د بشري استوګنې پروګرام زیاته کړې چې اوس د دغو کورنیو کورونو ته د څښاک اوبه رسېدلې او د شپې او ورځې په اوږدو کې ورته لاسرسی لري.
دغه پروګرام ویلي چې د څښاک پاکو اوبو ته لاسرسی د کورنیو د روغتیا ساتنې او د ژوند د شرایطو د ښه والي لپاره له بنسټیزو اړتیاوو دی.
