۸صبح، کابل: د ملګرو ملتونو د بشري استوګنې پروګرام (UN-Habitat) د کابل په پغمان ولسوالۍ کې د ۷۰۰ مترو په اوږدوالي سره د یوه سړک د بیارغونې خبر ورکړی دی.
دغه بنسټ چهارشنبه د لړم پر ۲۷مه، ویلي چې دغه سړک د جاپان د دولت په مالي ملاتړ او د دغه هېواد د نړیوالې همکارۍ د ادارې (جایکا) په مرسته بیارغول شوی دی.
د ملګرو ملتونو د بشري استوګنې پروګرام زیاته کړې چې د دغه سړک بیارغونې د کورنیو لپاره اصلي سړک او بازار ته تګ راتګ اسانه کړی دی.
د دغه بنسټ په وینا، دغه سړک د هغو کسانو لپاره ځانګړی اهمیت لري چې د تګ راتګ په برخه کې محدودیتونه لري.
د سړک له بیارغونې مخکې د لارې خرابولي او د باران د اوبو راټولېدو د دغو کسانو تګ راتګ ستونزمن کړی و.
دغه بنسټ زیاته کړې چې په افغانستان کې شاوخوا یو نیم میلیون کسان له پام وړ معلولیتونو سره ژوند کوي.






