د ملګرو ملتونو د حقیقت موندنې پلاوي خبر ورکړی داسی «کره ثبوتونه» شته چې ښيي امریکا پر ایران په دوو هوايي بریدونو کې پر یوه ښوونځي او یوه ورزشي مرکز جنګي جنایت کړی دی.
دغه پلاوي پنجشنبه د سپټمبر پر ۱۷مه په یوه وینا کې ویلي چې له دغو بریدونو څخه یو یې د روان کال د فبرورۍ پر ۲۸مه د ایران په سوېل کې د میناب ښار پر یوه لومړني ښوونځي شوی دی.
د دغه پلاوي د موندنو پر بنسټ، په دې برید کې یوه «ټاماهاواک» توغندی پر یوه ښوونځي لګېدلې ده.
په یوه بل برید کې چې د لامرد ښار کې شوی، د کره ویشتونکې توغندۍ د ټنګسټن مرمۍ پر یوه ورزشي مرکز او استوګنیزه سیمه غورځول شوې ده.
د راپور پر بنسټ، دا دوه هوايي بریدونه چې په ټوله یېزه توګه یې د ښځو او ماشومانو په ګډون لږ تر لږه ۱۷۸ ملکي وګړي، وژلي، د دې موندنو اصلي ټکې جوړوي.
د ملګرو ملتونو د حقیقت موندنې پلاوي ویلي چې د فبرورۍ د ۲۸مې بریدونو له څېړلو وروسته یې داسې «کره ثبوتونه» موندلي چې امریکا په دغو بریدونو کې جنګي جنایت ترسره کړی دی.
د دغو بریدونو له امله ملکي وګړي وژل شوي یا ټپیان شوي او ملکي تاسیساتو ته هم زیان اوښتی دی.
