۸صبح، کابل: د کډوالو په چارو کې د ملګرو ملتونو عالي کمېشنرۍ (UNHCR) ویلي چې د نیمروز له لارې د ناقانونه کډوالۍ په مسیر کې پنځو افغانانو ژوند بایللی او ۱۴ نور لا هم ورک دي.
نوموړي سازمان دوشنبه د چنګاښ پر ۲۹مه په اېکس کې د ناقانونه کډوالۍ پر لاره د دغو افغانانو مړینه تایید کړې او ویلې یې دي چې د لادرکه شویو لټون دوام لري.
د کډوالو په چارو کې د ملګرو ملتونو عالي کمېشنرۍ زیاته کړې چې له خپلو شریکانو سره په سیمه کې دی او د دغې پېښې له زیانمنو شویو کورنیو ملاتړ کوي.
ملګرو ملتونو ټينګار کړی چې دا پېښه د ناقانونه او خطرناکو سفرونو د انساني بیې یادونه کوي او د لا ډېرو فرصتونو د برابرولو پر اړتیا یې ټینګار کړی.
دا په داسې حال کې ده چې اقتصادي او سیاسي ستونزې او همدارنګه د کاري بوختیاوو کمښت د دې لامل شوی چې ګڼ افغانان ناقانونه کډوالۍ ته مخه کړي.
