۸صبح، کابل: په افغانستان کې د ملګرو ملتونو له نشه يي توکو او جرمونو سره د مبارزې دفتر (UNODC) وايي چې د نړۍ هېوادونه د «جرمونو پر وړاندې د مبارزې په کانګرس» کې د عدالت د ټینګښت او د جرمونو د مخنیوي په ګډې موخې سره راټول شوي دي.
په افغانستان کې د دغه دفتر استازي پولیک اوک سري شنبه د تلې پر ۵مه، ویلي چې دا بنسټ د دې نړیوال ماموریت په لومړۍ کرښه کې دی.
هغه زیاته کړې چې دا دفتر له غړیو هېوادونو ملاتړ کوي څو دا موخې پر عملي ګامونو بدلې کړي.
د «جرمونو پر وړاندې د مبارزې کانګرس» د جرمونو د مخنیوي، د عدالت د پیاوړتیا او د پلان شویو جرمونو او ورپورې تړلو نورو ګواښونو پر وړاندې د مبارزې لپاره د هېوادونو ترمنځ د همکارۍ یو له مهمو نړیوالو غونډو دی.
