۸صبح، کابل: د ملګرو ملتونو د بشري استوګنې پروګرام (UN-Habitat) ویلي، د افغانستان ډېری ښارونه د برېښنا له کمښت سره مخ دي او دې وضعیت د خلکو پر ورځني ژوند، اقتصادي فعالیتونو او د ځوانانو پر زدهکړو منفي اغېز کړی دی.
دغه پروګرام دوشنبه د چنګاښ پر ۲۹مه، پر اېکس پاڼه لیکلي چې کورنۍ د برېښنا له پرلهپسې پرچاويو سره مخ دي، کاروبارونه زیانمنېږي او ځوانان د شپې له خوا خپلو زدهکړو ته په سمه توګه دوام نه شي ورکولی.
د ملګرو ملتونو د بشري استوګنې پروګرام ټینګار کړی چې د لمریزې برېښنا په څېر د نوې کېدونکو انرژیو په برخه کې پانګونه د افغانستان د پايېدونکو او پیاوړو ښارونو د جوړېدو لپاره مهمه ده.
دغه بنسټ د لمریزې برېښنا په مټ د سمبال شوي روغتیايي مرکز تصوير هم خپور کړی، چې د افغانستان لپاره د ځانګړي اماني صندوق (STFA) او د ملګرو ملتونو د بشري استوګنې پروګرام په ملاتړ جوړ شوی دی.
