۸صبح، کابل: په افغانستان کې د ملګرو ملتونو پراختیايي پروګرام (UNDP) وايي چې د ۲۰۲۶ کال له اپرېل تر جون میاشتې پورې په ټول افغانستان کې ۱۷۹ زره او ۸۴۵ کسان د نري رنځ (TB) د ناروغۍ لپاره د نړیوال صندوق د پروژې له لارې معاینه شوي دي.
دغه بنسټ یکشنبه د وږي پر ۲۲مه، پر اېکس ویلي چې دغه بهیر خلکو ته د نري رنځ د فعالو پېښو د موندنې، تشخیص او بشپړې درملنې خدمتونو ته د لاسرسي زمینه برابره کړې ده.
نری رنځ یا توبرکلوز یوه ساري ناروغي ده چې ډېری وخت سږي اغېزمنوي او د هوا له لارې له یوه اخته کسه بل کس ته لېږدېږي.
د ناروغۍ ژر تشخیص او پر وخت د درملنې پیل د نري رنځ د کنټرول او د دې ناروغۍ د خپرېدو د مخنیوي له مهمو لاملونو ه ګڼل کېږي.
