۸صبح، کابل: د روغتیا نړیوال سازمان (WHO) وايي چې د ورځې شاوخوا یو نیم زر افغانان په نیمروز کې د میلک/وریښمو له پله افغانستان ته راستنېږي.
دغه سازمان چهارشنبه د لړم پر ۲۰مه راپور ورکړی چې دا کسان د اوږدې لارې له کچ کولو وروسته پولې ته رسېږي چې ځينې یې د ټپونو او روغتیايي ستونزو له کبله بېړنۍ پاملرنې ته اړتیا لري.
د روغتیا نړیوال سازمان زیاته کړې، له ایرانه په راستنېدونکو افغانانو کې ښځې، ماشومان او عمر خوړلې دي.
له ایرانه د افغانانو جبري راستنېدنه داسې مهال دوام لري چې په افغانستان کې ژمی په نږدې کېدو دی.
طالبانو هم خبر ورکړی چې پرون ۱۲۸ کورنۍ چې ۵۷۵ کسان کېږي، په جبري توګه افغانستان ته راستنې شوې دي.
