۸صبح، بامیان: د ملګرو ملتونو د بشري استوګنې پروګرام (UN-Habitat) اعلان کړی چې په بامیان ولایت کې شاوخوا ۲ زرو کسانو ته د کار او عاید ترلاسه کولو زمینه برابروي.
دغه پروګرام د پنجشنبه د تلې پر ۹مه، ویلي چې د افغانستان د بشري مرستو صندوق په ملاتړ به په بامیان کې« د پيسو په بدل کې د کاړ» طرحه پلي کړي.
د ملګرو ملتونو د بشري استوګنې پروګرام زیاته کړې چې دغه طرحه د «فورسټ» پروګرام په چوکاټ کې پلې کېږي او ګډونوال به دکار په بدل کې ورځنی مزد ترلاسه کوي.
دغه بنسټ زیاته کړې چې د دې طرحې پلي کېدل به د معیشت لپاره د زمینې برابرولو ترڅنګ، په بامیان کې د سیمهییزو ټولنو په ښهوالي او پیاوړتیا کې هم مرسته وکړي.
ټاکل شوې چې شاوخوا ۲ زره کسان په دې طرحه کې په عامهالمنفعه کارونو کې برخه واخلي او له دې لارې عاید ترلاسه کړي.
