۸صبح، کابل: د کډوالۍ نړیوال سازمان (IOM) ویلي چې شدیدو سېلابونو یو ځل بیا د نورستان ځينې لرې پرتې سیمې اغېزمنې کړې او ځپل شویو ته د مرستو رسولو بهیر پیل شوی دی.
نوموړي سازمان چهارشنبه د زمري پر ۱۴مه په اېکس کې لیکلي چې دا سېلابونه د تېرې میاشتې له ویجاړونکو سېلابونو وروسته راغلي دي.
د کډوالۍ نړیوال سازمان ویلي چې ځپل شویو سیمو ته یې د ارزونې ډلې لېږلې دي.
د دغه بنسټ په خبره، دا ارزونه له زیانمنو شویو کورنیو سره د ژوند ژغورونکو مرستو د همغږۍ په موخه کېږي.
ملګرو ملتونو زیاته کړې چې د مرستو په بهیر کې به هغو کورنیو ته لومړیتوب ورکړي چې اړتیا یې ډېره ده.
