۸صبح، کابل: په افغانستان کې د ملګرو ملتونو د ښځو څانګې (UN Women) د طالبانو له خوا د ښځو له نیولو، توقیف او ګواښلو اندېښنه څرګنده کړې ده.
نوموړي بنسټ شنبه د تلې پر ۱۸مه په افغانستان کې د ملګرو ملتونو د مرستندویه پلاوي (یوناما) راپور ته په اشارې ویلي چې په وروستیو کې د ښځو نیول کېدو او ګواښل کېدو جدي اندېښنې راپارولې دي.
له دې مخکې یوناما ویلي و چې د ۲۰۲۶ کال د جولای او سپتمبر ترمنځ په هرات او کابل کې لږ تر لږه ۵۲ ښځې او یوه نجلۍ توقیف شوې دي.
د یوناما د اعلامیې له مخې، دا ښځې د برحاله چارواکو له خوا پر جامو د لګول شویو مقرارتو څخه د سرغړونې په تور نیول یا توقیف شوې دي.
دا ښځې د چادرۍ نه اغوستلو، د وېښتانو ښکاره کیدو، د رنګین ټیکري د پرسولو، سینګار کارولو، یا هم له محرم پرته په عامه ځایونو کې د حضور له امله نیول شوې دي.
