د ملګرو ملتونو د ښځو څانګې ناوانېتم ناوي پېلاي ته د ۲۰۲۶ کال د سولې نوبل جایزې ورکول د عدالت لپاره د مبارزې په برخه کې د زړورتیا او پرلپسې هڅو پر ارزښت د ټینګار یو فرصت بللی دی.
دغه بنسټ شنبه د اکتوبر پر ۱۰مه په اېکسپاڼه کې د ناوي پېلاي ستاینه کړې او لیکلي یې دي: «د ټول عمر په اوږدو کې د خنډونو ماتول؛ د عدالت لپاره د مبارزې میراث دی.»
د ملګرو ملتونو د ښځو څانګې پېلاي ته د مبارکۍ ترڅنګ ټینګار کړی چې پرمختګ زړورتیا، پرلهپسې هڅو او هغو کسانو ته اړتیا لري چې هېڅکله نه تسلیمېږي.
یاد بنسټ زیاته کړې چې د ناوي پېلاي په څېر شخصیتونو ستاینه د عدالت د خوندیتوب او د ښځو او نجونو د ملاتړ لپاره د هڅو د دوام ارزښت راپه ګوته کوي.
د یادونې ده چې د ۲۰۲۶ کال د سولې نوبل جایزې ګټونکې د سویلي افریقا د بشري حقونو مخکښه مبارزه ناوانېتم ناوي پېلاي اعلان شوه.
