۸صبح، کابل: د ملګرو ملتونو د ښځو ادارې اعلان کړی چې د افغان ښځو د پیاوړتیا لپاره په ټول هېواد کې د ښځو له سازمانونو سره همکاري کوي او د هغوی تر څنګ پاتې کیږي.
دې ادارې جمعه د زمري پر۳ مه، په یوه راپور کې ټینګار کړی چې هغه لاسته راوړنې چې افغان ښځو په تېرو دوو لسیزو کې په سختۍ ترلاسه کړې وې، اوس د طالبانو تر واکمنۍ لاندې له منځه تللي دي او افغانستان د ښځو د حقونو په برخه کې له بېساري ناورين سره مخ دی.
د ملګرو ملتونو د ښځو ادارې د محدودیتونو پر وړاندې د ښځو درېدل الهامبښونکي بللي دي.
طالبانو په تېرو څلورو کلونو کې پر ښځو پراخ او سخت محدودیتونه لګولي دي.
د ښځو د حقونه د خونديتوب لپاره د نړیوالې ټولنې له بيا بيا غوښتنو سره سره، طالبانو په دې تړاو مثبت ځواب نه دی ورکړی او ادعا یې کړې چې د هغوی حقونه د اسلامي شریعت له مخې خوندي دي.
